ژمارەی ئەو كەسانەی بەهۆی نقومبوونی بەلەمێك لە كەناراوی پارێزگای تەرتوسی لوبنان گیانیان لەدەستدا بۆ 86 كەس بەرزبووەوە.
سامر قوبرسلی، بەڕێوەبەری گشتی بەندەرە ئاوییەكانی سوریا ڕایگەیاند، ژمارەی ئەو كەسانەی بەهۆی نقومبوونی بەلەمەكەوە گیانیان لەدەستداوە بۆ 86 كەس بەرزبووەتەوە.
بەلەمەكە بە نیازی گەیشتنە ئەوروپا لەو شارەی لوبنانەوە كە دەكەوێتە نزیك سنوورە ئاوییەكانی سوریا بەڕێكەوتووە، بەر لەوەی تووشی ڕووداوەكە ببێت.
ڕووداوەكە ڕۆژی پێنجشەممە ڕوویداوە و لە نێو قوربانییاندا خەڵكی ڕۆژئاوای كوردستان، سوریا، لوبنان و فەڵەستین هەن.
لای خۆیەوە ئەسكەندەر عامر، بەڕێوەبەری نەخۆشخانەی باسل ئاشكرایكرد، ڕێوشوێنەكانی ڕادەستكردنی تەرمی قوربانییان بە كەسوكاریان بەردەوامە، پاش ناسینەوەیان لەلایەن كەسوكارەكانیانەوە.
