بەڕێوەبەرایەتیی پۆلیسی هەولێر بڵاویكردووەتەوە، بەهۆی كێشەیەكی خێزانییەوە دەمەقاڵێ لە نێوان زاوا و خەزوورێكدا دروستبووە و بەهۆیەوە كەسێك برینداربووە و پێنج كەسیش دەستگیركران.
بەپێی ڕاگەیەندراوێكی بەڕێوەبەرایەتیی پۆلیسی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، ئێوارەی ئەمڕۆ پێنجشەممە لە گەڕەكی بەهاری نوێ بەهۆی كێشەیەكی خێزانییەوە دەمەقاڵێ لە نێوان زاوا و خەزوورێكدا دروستبووە و بە هۆیەوە كەسێك برینداربووە كە تێیدا چەك بەكارهاتووە.
لە ڕاگەیەندراوەكەدا هاتووە، “هێزەكانمان لە بەڕێوەبەرایەتیی پۆلیسی پارێزگای هەولێر، بەشی پۆلیسی فریاكەوتن دەستبەجێ گەیشتنە شوێنی ڕووداوەكە و هەردوو لایەنی شەڕكەریان دەستگیركرد كە پێكهاتبوون لە پێنج كەس و دەستگیركراوەكانیش ڕەوانەی بنكەی پۆلیسی شادی كران و پەڕاوی لێكۆڵینەوەیان بۆ دەكرێتەوە.
