دادگای باڵای فیدراڵی لە عێراق، ئەمڕۆ دوو بڕگەی لە یاسای بڕیاری ژمارە 109 ی ساڵی 2020 و بڕیاری ژمارە 211ی ساڵی 2021 تایبەت بە ڕێککارەکانی دروستکردنی کۆمپانیای نیشتمانی نەوت ڕەتکردەوە.
بەپێی ڕاگەیەندراوی دادگای باڵای فیدراڵی لە عێراق، “بڕیاردراوە بە نادرووستی بڕگەی دوو و سێ لە بڕیاری ژمارە 109ی ساڵی 2020 و بڕیاری 211ی ساڵی 2021ی ئەنجومەنی وەزیران و ڕەتکردنەوەی دروستکردنی کۆمپانیای نیشتمانی نەوت و ڕاسپاردنی ئیحسان عەبدولجەبار بۆ سەرۆکایەتیکردنی.
لە بڕیارەکەدا هاتووە، “بڕیارەکە پێشێلکردنی حوکمەکانی ماددەی 27 بڕگەی یەکەمی دەستوورە و دادپەروەریی کۆمەڵایەتی تێدا ناپارێزرێت و ئینتیمای نیشتیمانی تێدانییە”.
