ژنێك كە 25 ملیۆن دینار و بڕێك ئاڵتوونی دزیوە، لەگەڵ چەند تۆمەتبارێكی دیكەی دزیكردن و ساختەكاریدا دەستگیركران.
ژنەكە لە ماڵێكی ناوچەی كەڕادەی بەغداد دزییەكەی كردووە، كاتێك خاوەنی ماڵەكە لە دەرەوە بوون چووەتە ژوورەوە و 25 ملیۆن دینار و چەند پارچەیەك خشڵ و ئاڵتوونی دزیوە.
وەزارەتی ناوخۆ دەڵێت، تۆمەتبارەكە دەستگیركراوە و دانی بە دزیكردنەكەدا ناوە، دواتر بەپێی ماددەی 446 لە یاسای سزاكان ڕادەستی دادگا كراوە.
بەپێی ڕاگەیەندراوی وەزارەتی ناوخۆی عێراق، چەند تۆمەتبارێكی دیكە دەستگیركراون كە كاریان دزینی ماتۆڕسكیل، ساختەكاری و تاوانی جۆراوجۆر بووە و ڕادەستی دادگا كراون.
