قائیمقامیەتی سلێمانی لە بازاڕی دارەسووتاوەکە، کۆگایەک و دوو دوکانی داخست بەهۆی نەبوونی مەرجی تەندروست و بوونی مشک لەناو کەرەستەکانیاندا.
قائیمقامیەتی سلێمانی ڕایگەیاند، بەهۆی نەبوونی مەرجە تەندروستییەکان لە گەڵگرتن و کۆگاکردنی کەلوپەلەکانیاندا، دوو دوکان و کۆگایەک لە بازاڕی دارەسووتاوەکە داخران.
ئاماژەی بەوەشکردووە، ئەو کەلوپەلانە بەسەرنەچووبوون بەڵکو پاشماوەی مشک و قرتێنەرەکانیان تێدا بووە.
ڕاشیگەیاندووە، ئێستا بڕیاری داخستنیان دراوە و دواتریش ڕێکاری یاسایی بەرامبەر خاوەنەکانیان دەگیرێتەبەر.
