لە هەنگاوێکدا بەمەبەستی پڕکردنەوەی کورتهێنانی خۆراک، وەزارەتی کشتوکاڵی ئەمریکا ڕەزامەندیدا لەسەر بەکارهێنانی “تەماتەی گۆڕاوی بۆماوەیی”، کە ڕەنگەکەی جیاوازترە لە تەماتەی ئاسایی.
تەماتە نوێیەکە، ڕەنگی مۆرێکی تۆخی هەیە، بە وتەی شارەزایانی بواری خۆراک، بۆ ماوەیەکی زیاتر لە تەماتەی ئاسایی دەمێنێتەوە، بەهای خۆراکیی زیاتری هەیە.
بنکەی جۆن ئێنیس لە بەریتانیا ڕایگەیاندووە، “ڕەنگی مۆری تەماتەکە بۆ زۆریی ماددەی دژە ئۆکسان دەگەڕێتەوە تێیدا کە بەرگریکارێکی بەهێزی نەخۆشیی شێرپەنجەیە، کە بە ماددەی(ئەنسۆسیانین)ناسراوە”.
بڕیارە دوای وەرگرتنی ڕەزامەندیی ئیدارەی خۆراک و دەرمانی ئەمریکا، تەماتەکە بخرێتە بازاڕەکانی ئەو وڵاتەوە.
