كۆمپانیای تۆتاڵ ئینێرجیی فەرەنسی بڵاویكردووەتەوە، دەستبەرداری بەرهەمهێنانی نەوت لە هەرێمی كوردستان بووە و هۆكارەكەشی فشارەكانی سەر حكومەتی عێراق بووە لەسەر هەرێمی كوردستان.
بەپێی ڕاگەیەندراوێكی كۆمپانیاكە تێیدا هاتووە، پشكەكانی كۆمپانیاكە 18%ی كێڵگەی نەوتی سەرسەنگ بووە كە دەكەوێتە سنووری پارێزگای دهۆك و فرۆشتوویەتی بە كۆمپانیای شەمێران پترۆلیۆم كە كۆمپانیاكە لە هەریەك لە وڵاتانی كەنەدا و سوید تۆماركراوە و تایبەتە بە گەڕان و بەرهەمهێنانی نەوت.
هەر لە ڕاگەیەندراوی كۆمپانیاكەدا هاتووە، كێڵگەی سەرسەنگ دەكەوێتە سنووری پارێزگای دهۆك و لە ساڵی 2011 دەستكراوە بە بەرهەمهێنانی نەوت و لەلایەن كۆمپانیای ئەمریكی Hellwood Energy (HKN) بەڕێوەدەبرێت، كە خاوەنی 62%ی كێڵگەكەیە و پشكی حكومەتی هەرێمیش لەو كێڵگەیە 20%یە، كاتێك كۆمپانیای تۆتاڵ لە كێڵگەكە كاریكردووە ئاستی بەرهەمهێنانی نەوتی ڕۆژانەی لە ساڵی 2021دا گەیشتووەتە سێ هەزار و 500 بەرمیل نەوتی ڕۆژانە.
