ئەمڕۆ ئەنجومەنی شارەوانیی سلێمانی كۆبووەوە و چەندین بڕیار واژوویان لەسەر كرا كە لە بەرژەوەندیی هاوڵاتییانە.
بەپێی ڕاگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمڕۆ پێنجشەممە، ئەنجومەنی شارەوانیی سلێمانی كۆبوونەوەی ئاسایی خۆی ئەنجامداوە و لە دانیشتنەكەدا ژمارەیەك لە كێشەی هاوڵاتییان گفتوگۆیان لەبارەوە كراوە و بڕیاری پێویستیان لەبارەوە درا.
لە ڕاگەیەندراوەكەدا هاتووە، بڕیاری گرنگ سەبارەت بە پرۆژەكانی وەبەرهێنان، لە بەرامبەر خزمەتگوزاریی و پڕۆژەی ستراتیژی و گرنگ بۆ هاوڵاتییان و شاری سلێمانی دران كە دەبێتە هۆی بوژاندنەوەی سێكتەری ئابوری و ڕەخساندنی سەدان هەلی كار بۆ گەنجان و جوانكردنی سیمای شار.
