بەڕێوەبەرایەتیی پۆلیسی پارێزگای هەڵەبجە ڕایدەگەیەنێت، كەسێك بە ئۆتۆمبێلەكەی لە منداڵێكی تەمەن یەك ساڵی داوە و گیانیلەدەستدا.
موقەدەم بەرزان عوسمان، وتەبێژی بەڕێوەبەرایەتیی پۆلیسی پارێزگای هەڵەبجە لە ڕاگەیەندراوێكدا بڵاویكردووەتەوە، ئێوارەی ئەمڕۆ پێنجشەممە لە گەڕەكی مۆردانەی پارێزگای هەڵەبجە ئۆتۆمبێلێك لە منداڵێكی تەمەن یەك ساڵی داوە و دوای گەیاندنی بۆ نەخۆشخانەی فریاكەوتنی هەڵەبجە گیانیلەدەستداوە.
لە ڕاگەیەندراوەكەدا هاتووە، “شوفێری ئۆتۆمبێلەكە بەپێی ماددەی 24 لە یاسای هاتوچۆ بەندكراوە و دەست بەسەر ئۆتۆمبێلەكەشیدا گیراوە”.
