داوایەكی فەرمی ئاراستەی سەرۆكی ئەنجومەنی نوێنەرانی عێراق كراوە بۆ دەستپێكردنەوەی دانیشتنەكانی پەرلەمان.
سائر موخیف، پەرلەمانتار لە چێوەی هەماهەنگی ڕایگەیاند، محەمەد حەلبوسی سەرۆكی ئەنجومەنی نوێنەران داوایەكی فەرمی پێدراوە بۆ دەستپێكردنەوەی دانیشتنەكان پاش كۆتاییهاتنی ڕێوڕەسمی چلە.
وتیشی، “داواكارییەكە لەلایەن 190 پەرلەمانتاری فراكسیۆنە جیاوازەكانەوە پێشكەشكراوە”.
سەرۆكایەتیی ئەنجومەن بەپێی پەیڕەوی ناوخۆ پابەندە بە دیاریكردنی وادەی دەستپێكردنەوەی دانیشتنەكان بەپێی ئەو داوایەی پێشكەشیكراوە، وەك ئەوەی ئەو پەرلەمانتارە ئاماژەی پێدا.
دووپاتیشیكردەوە، هیچ بەڵگە و بیانوویەك نییە بۆ درێژەدان بە پەكخستنی كاری یاسایی و چاودێری.
