بڕیارە ئیبراهیم ڕەئیسی سەرۆك كۆماری ئێران سەردانی ئەمریکا بکات.
غولام حوسەێنی، بەرپرسی نووسینگەی سەرۆك كۆماری ئێران، سەردانە چاوەڕوانكراوەكەی ئاشكراكرد و وتی، “لە کاتی دیاریکراودا، وردەکاریی سەردانی سەرۆک کۆمار بۆ ئەمریکا ڕادەگەیەنین”.
ماوەی ساڵێك و سێ مانگە ئیبراهیم ڕەئیسی بووە بە سەرۆك كۆماری ئێران و ئەم سەردانە دەبێتە یەكەم سەردانی بۆ ئەمریكا. لە ماوەی ڕابردوودا، ڕەئیسی هەڕەشەی توندی لە ئەمریكا كردبوو بەوەی ئەگەر هەر هێرشێك بكاتەسەر ئێران، ئەوا زۆر بە توندی بەرپەرچیدەدەنەوە.
لە سێ هەفتەی ڕابردوودا و هاوكاتی هەڕەشەكەی ڕەئیسی، چەند جارێك كاربەدەستانی ئێران و خۆرئاوا لێدوانیان لەبارەی ڕێككەوتنی ئەتۆمییەوە داوە و جۆرێك لە نەرمییان بەرامبەر بە دەستپێكردنەوەی گفتوگۆ لەبارەی ئەو دۆسیەیەوە نواندووە.
