دۆناڵد ترەمپ، سەرۆکی ئەمریکا فەرمانێکی واژووکرد کە تێیدا، هەر هێرشێک بۆ سەر قەتەر، بە هێرش بۆ سەر خاکی ئەمریکا ناسێندراوە.
لە نوێترین فەرمانی جێبەجێکاریدا، دۆناڵد ترەمپ، سەرۆکی ئەمریکا رایگەیاند، وڵاتەکەی و قەتەر، لە رێگەی هاوکاریی چڕوپڕ، بەرژەوەندیی هاوبەش و پەیوەندیی پتەوی نێوانیان، بەردەوامییان بە پەیوەندییەکانیان داوە.
جەختیشیکردەوە، “وڵاتێکی وەک قەتەر، هاوپەیمانێکی بەهێزی ئەمریکایە و پاڵپشتیی واشنتنی کردووە لە نێوەندگیریکردن لە ململانێ هەرێمی و جیهانییەکاندا”.
سەبارەت بە هێرشەکەی مانگی رابردووی ئیسرائیل بۆ سەر قەتەر، ترەمپ سووربوونی وڵاتەکەی لەسەر گرەنتیکردنی ئاسایشی قەتەر دووپاتکردەوە لە دژی هەر هێرشێکی دەرەکی.
