ئەنجومەنی باڵای دادوەریی عێراق ئاشکرایکردووە، ئامارەکانی جیابوونەوەی هاوسەران لە مانگی ئابدا مایەی نیگەرانین و دەلێت لە ڕۆژێکدا 200 حاڵەتی جیابوونەوە هەبوون.
ئامارەکانی هاوسەرگیری و جیابوونەوە لە عێراق بۆ مانگی ئاب ئاماژە بە بەرزبوونەوەی بەردەوامی حاڵەتەکانی جیابوونەوە دەکەن، لە دوایین ئاماری مانگی ئابدا کە ئەنجومەنی باڵای دادوەری بڵاویکردووەتەوە، تەنها لە مانگی ئابدا شەش هەزار و 491 حاڵەتی جیابوونەوە تۆمارکراوە.
بەپێی ڕاپۆرتەکە، بەغداد بەرزترین ڕێژەی جیابوونەوەی تێدا تۆمارکراوە.
ئاماژە بەوەشکراوە، لەو ژمارە جیابوونەوەیە چوار هەزار و 636 حاڵەتیان لە دەرەوەی دادگاکان بوون و تەنها هەزار و 855 حالەتیان لە ڕێگەی یاسایی و دادگاوە بووە.
