كۆی گشتیی داهاتی هەرێمی كوردستان 46 ترلیۆن و 300 ملیار دینار بووە لە ماوەی تەمەنی كابینەی نۆیەمدا.
فەرمانگەی میدیا و زانیاریی حكومەتی هەرێم لە زاری جوتیار عادل، وتەبێژی حكومەتی هەرێمی كوردستانەوە بڵاویكردووەتەوە كۆی گشتیی داهاتی نەوتی و نانەوتی و پارەداركردن لەلایەن حكومەتی عێراق و هاوپەیمانەوە 46 ترلیۆن و 300 ملیار دیناربووە لەم سێ ساڵەی تەمەنی كابینەی حكومەتی هەرێمدا.
ئاماژەی بۆ ئەوەش كرد، حكومەت بەشێوەیەكی شەفاف، وەكو نەریتێك سەرجەم داتاكانی بۆ ڕای گشتی بڵاوكردووەتەوە و سیاسەتی حكومەت لەسەر ڕێچكەیەكی دروستە و بەردەوامیش دەبێت لە خزمەتكردنی هاوڵاتییان.
