بەكارهێنانی حەبی وروژێنەر لەلایەن پیاوێكی تەمەن 55 ساڵ لە كەركوك بە گیانلەدەستدانی كۆتایی هات.
ڕووداوەكە چەند ڕۆژێك لەمەوبەر ڕوویداوە، پیاوەكە دوای بەكارهێنانی، تەندروستی تێكچووە و بەهۆیەوە ڕەوانەی نەخۆشخانەی ئازادیی كەركوك كراوە.
پەیامنێرمان لە كەركوك پێی ڕاگەیاندین، بەهۆی ئەوەی نەخۆشی دڵ و شەكرەی هەبووە، بەكارهێنانی حەبی ڤیاگراكە كاریگەری لەسەر دڵی دروستكردووە.
ئەوەشی وت، “پزیشک و کارمەندانی نەخۆشخانەی ئازادی هەوڵی تەواویان داوە چارەسەری دڵ وەستانەکەی بۆ بکەن، بەڵام کاریگەریی حەبەكە زاڵ بوو بەسەر هەوڵەکانی ڕزگاركردنیدا و لە ئاكامدا گیانیلەدەستداوە”.
