بافڵ جەلال تاڵەبانی: یەكێتی لەگەڵ هەڵبژاردنە لە وادەی دیاریكراوی خۆیدا بەو مەرجەی یاساكەی بۆ هەمواربكرێتەوە

بافڵ جەلال تاڵەبانی، سەرۆكی یەكێتیی نیشتمانیی كوردستان لە بارەگای مەكتەبی سیاسی لە هەولێر پێشوازیكرد لە وەفدێكی باڵای سیاسی و سەربازیی بەریتانیا بە سەرۆكایەتیی مارشاڵ سامی سامسپۆن، ڕاوێژكاری باڵای سەربازیی بەریتانیا بۆ ڕۆژهەڵاتی ناوەڕاست و باكووری ئەفریقا.

لە دیدارێكدا كە دەیڤد هەنت، كونسوڵی بەریتانیا لە هەرێمی كوردستان ئامادەبوو، دوایین پێشهاتە سیاسی، ئابوری و ئەمنییەكان تاوتوێكران و جەخت لە یەكخستنی هەوڵەكان بۆ چارەسەركردنی كێشەكان و ڕەخساندنی زەمینەیەكی لەبار بۆ گفتوگۆیەكی نیشتمانیی بەرهەمدار بە بەشداری هەموو هێز و لایەنە سیاسییەكان لەپێناو تێپەڕاندنی بەربەستەكان و زاڵبوون بەسەر ئاڵنگارییەكان كرایەوە .

لە درێژەی دیدارەكەدا پرسی هەڵبژاردن لە هەرێمی كوردستان گفتوگۆی لەبارەوە كرا و سەرۆك بافڵ هەڵوێستی یەكێتی لەبارەی ئەو پرسەوە ڕوونكردەوە و وتی، “یەكێتی لەگەڵ هەڵبژاردنە لە وادەی دیاریكراوی خۆیدا بەو مەرجەی یاسای هەڵبژاردن هەمواربكرێتەوە و دەبێت یاساكە لەگەڵ دۆخی ئەمڕۆی هەرێم بگونجێت و بۆ ئەمەش پێویستیمان بە سازانی نیشتمانی و ڕێككەوتنێكی هەمەلایەنە”.

پاراستنی سەقامگیریی ناوچەكە و ڕووبەڕووبوونەوەی پاشماوەكانی داعش تەوەرێكی تری دیدارەكە بوو و بافڵ جەلال تاڵەبانی جەختی لە پێویستی و بەردەوامی هەماهەنگی نێوان هێزەكانی هەرێمی كوردستان، عێراق و هاوپەیمانان كردەوە لەپێناو ئارامی و ئاسایشی ناوچەكە و داوایكرد، بەریتانیا لە هاوكارییەكانیان بۆ هێزی پێشمەرگە بەردەوامبن.

بابەتی پێشتر

ئومێد ئەحمەد: ئامانجی وەزارەتە كارەبای 24 كاتژمێری بۆ هاوڵاتییان دابينبكات

بابەتی دواتر

ئەنجومەنی وەزیران ئامادەکارییەکانی ساڵی نوێی خوێندن تاوتوێدەکات

بابەتی پەیوەندیدار
زیاتر ببینە

بەهای دۆلار بەرزبووەوە

ئێوارەی ئەمڕۆ لە كاتی داخستنی بازاڕی ئاڵوگۆڕی دراو، بەهای دۆلار بەرامبەر بە دینار بەرزبووەوە و 100 دۆلار بە…
Total
0
Share