مانی پاکیاو، بۆکسێنەری ئەفسانەیی فیلیپین بۆ ئەنجامدانی یارییەکی دۆستانەی نمایشکاری دەگەڕێتەوە.
پاکیاو دوای وازهێنانی یەکجارەکی، چووە نێو بواری سیاسەت و خۆی بۆ پۆستی سەرۆکی وڵاتەکەی (فیلیپین) کاندید کرد، بەر لە وادەی بەڕێوەچوونی بانگەشەکان بڕیاریداوە بگەڕێتەوە بۆ بواری بۆکسێن و لە سعوودیە یارییەکی دۆستانەی نمایشکاری ئەنجام بدات.
یارییەکەی پاکیاوی تەمەن (43) ساڵ بەرامبەر جابر زەیانی فەرەنسی دەبێت، لە شاری ڕیاز – سعوودیە.
ئەفسانەکە دووپاتیکردووەتەوە، گەڕانەوەی بۆ بواری بۆکسێن تەنها بۆ کارە خێرخوازییەکانە و نمایشکارییە، بەڵام هەوڵدەدات وەک سەردەمی پێشوو بەهێزەوە دەربکەوێت.
جگە لە جابر زەیان، پاکیاو بەرامبەر چەند “یو تیوبەر”ێکی ناودار یاری دەکات، تێچووی یارییەکانیش لە پڕۆژە خێرخوازییەکاندا بەکاردەخرێتەوە.
