خوولی ئەفسەران لە هەردوو کۆلێژی سەربازیی قەڵاچوالان و زاخۆ ڕادەگەیەندرێت و كەسانی مەدەنییش دەگرێتەوە.
بەپێی زانیارییەكان، خوولێکی ئەفسەران لە هەردوو کۆلێژی سەربازیی قەڵاچوالان و زاخۆ دەکرێتەوە و بە مەبەستی تەواوكردنی ڕێكارە داراییەكان، نووسراوی فەرمی ئاراستەی وەزارەتی دارایی کراوە.
لە کۆلێژیی سەربازیی قەڵاچوالان 150 کەسی مەدەنیی دەرچووی كۆلێژ، پەیمانگا و 12ی ئامادەیی وەردەگیرێن وەك لە زانیارییە سەرەتاییەكاندا هاتووە و مەرجە كەسەكە تەمەنی لە 18 ساڵ کەمترنەبێت و لە 35 ساڵیش زیاترنەبێت.
خوولەكە كەسانی سەربازییش دەگرێتەوە و بەپێی زانیارییەكان، 350 کەس لە ڕیزەکانی هێزی پێشمەرگە وەردەگیرێن و تا ئێستا مەرجی وەرگرتنی ئەوان ڕوون نییە.
لەبارەی ژمارەی ئەو كەسانەی لە کۆلێژی سەربازیی زاخۆ وەردەگیرێن، زانیارییەكان باس لەوە دەكەن كە ژمارەكان هاوشێوەی كۆلێژی سەربازیی قەڵاچوالان یاخود نزیك لەو ژمارەیە دەبن و ماوەی خوولەکە بۆ كەسانی مەدەنی نۆ مانگ و بۆ هێزی پێشمەرگەش دوو ساڵ دەبێت.
