ئاوات شێخ جەناب وەزیری دارایی هەرێم لە لێدوانێكی رۆژنامەوانیدا رایگەیاند، بەغداد دوو مووچە قەرزدارە و پارە بنێرێت ئێمە زوو دەست بە دابەشكردنی مووچە دەكەین و وتیشی، “هاوڵاتییان دڵنیا دەكەمەوە ناردنی مووچە پەیوەستە بە كاتەوە و دەبێت وەك خۆی رەوانە بكرێت”.
ئاشكراشیكرد، بابەتی ناردنی مووچە لە یاسای بودجە بەپێی پشكی هەرێم دیاریكراوە و ئێمە بەردەوام لەسەر هێڵین لەگەڵ بەرپرسانی حكومەتی عێراق و وەزارەتی دارایی حكومەتی فیدراڵیدا.
ئاماژەی بۆ ئەوەش كرد، ئێمە نوێنەرمان لە وەزارەتی دارایی عێراقە و بڕیار دراوە چوار نوێنەرمان تەنسیب بكرێن بۆ وەزارەتی دارایی عێراق بەمەبەستی راییكردنی رێكارە هونەرییەكان.
