ئەندامیکی هێزەکانی حەشدی شەعبی تۆمەتبارێکی کوشتنی باوک و برایەکی لەناو دادگای نەینەوادا دەکوژێت.
میدیاکانی عێراق بڵاویانکردەوە، “تۆمەتبارەکە براوەتە ناو دادگای تاوانەکانی نەینەوا بەمەبەستی دادگاییکردن، لەوکاتەدا ئەندامەکەی حەشدی شەعبی چووەتە ژوورەوە و تەقەی لێکردووە، تۆمەتبارەکە هەر لەناو دادگادا گیانیلەدەستداوە”.
ئەو کەسەی لەلایەن ئەندامەکەی حەشدی شەعبییەوە تەقەی لێکراوە، بە تۆمەتی کوشتنی باوک و برایەکی بکوژەکە لە دادگا بووە.
دوای ڕووداوەکە ئەندامەکەی حەشدی شەعبی دەستگیرکراوە، لە کاتی لێکۆڵینەوەدا هۆکارەکەی بۆ ئەوە گەڕاندووەتەوە کە ئەو کەسە تۆمەتبار بووە بە کوشتنی باوک و براکەی و تۆڵەی ئەوانی کردووەتەوە.
