پزیشكێكی بەریتانی هۆشداری دەدات و دەڵێت، خواردنی نانی سپی و ماكەرۆنی بە بەردەوامی و بڕی زۆر، دەبێتەهۆی كزبوونی بینایی و ڕەنگە دواتر كوێربوونی چاوەكانی لێبكەوێتەوە.
دكتۆر بریان واشڵەر پزیشكی ناوداری بەریتانی ڕایگەیاند، سەرباری تەمەن، ڕژێمی خۆراكیی مرۆڤیش هۆكارە بۆ لەدەستدانی بینایی، بۆیە پێویستە ڕژێمی خۆراك ڕێكبخەیتەوە و زیادەڕۆیی لە خواردنی چەند جۆرێكی خۆراكدا نەكەیت.
واشڵەر دەڵێت، ئەو كاربۆهێدراتەی لە نانی سپی و ماكەرۆنیدا هەیە، پەیوەندیی ڕاستەوخۆی بە مەترسیی كوێربوونەوە هەیە و لەگەڵ هەڵكشانی تەمەندا ئەو مەترسییە زیاددەكات، بە تایبەت ئەگەر گۆشت و خۆراكی دەستكرد و لەقتوونراو بخورێن كە هۆكارن بۆ بەرزبوونەوەی فشاری خوێن و زیادكردنی پەستانی سەر ماسوولكەكانی چاو.
پزیشكەكە ڕێنمایی دەدات بەوەی دەبێت كاربۆهێدرات و خواردەمەنیی دەستكرد و گۆشتی لەقتوونراو لە ژەمەكاندا كەمبكرێنەوە و مرۆڤ خۆی لە زۆرخواردنی نان و سەمونی سپی دووربگرێت، لە بری ئەوە نانی بۆر و دانەوێڵەی تەواو بخوات.
