كازم ساهر هۆكاری ڕاستەقینەی پشت ناسناوەكەی ئاشكرادەكات

كازم ساهر گۆرانیبێژی عێراقی، هۆكاری هەڵبژاردنی ناسناوی “ساهر” ئاشكرادەكات و دەڵێت، “پەیوەندیی بە شەربەتفرۆشەوە هەیە”.

لە دیدارێكی تەلەڤیزیۆنیدا لە بارەی ناسناوی ساهرەوە، كازم ڕایگەیاند، “كاتێك یەكەم گۆرانیم بە ناوی كازم جەبارەوە بڵاوكردەوە، كەسێك گاڵتەی پێكردم و بە دڕدۆنگییەوە پێیوتم، تۆ ناوەكەت بۆ شەربەتفرۆشی گونجاوە. منیش وتم مایەی شانازییمە”.

گۆرانیبێژەكە ئاشكرایكرد، دوای ئەو مشتومڕە، لەگەڵ هاوڕێكانیدا دانیشتووە و چیرۆكەكەی بۆ باسكردوون و پێیوتوون كە ئەوەی ڕوویداوە وەكو سووكایەتیپێكردنی بووە. ئیدی ناسناوی “ساهر”ی هەڵبژاردووە و دەڵێت، “ناسناوەكە لەگەڵ مندا یەكناگرێتەوە، سوێند بە خودا من بێدارنیم، تەنانەت باوكم پێیوتم تۆ ئەو ساهرەت لە كوێوە هێناوە؟!”.

كازم ساهر باس لەو گرفتانە دەكات كە بەهۆی ناسناوەكەیەوە ڕووبەڕووی بوونەتەوە و ڕایگەیاند، “هەندێك جار مامەڵە فەرمییەكانم بۆ ڕاییناكەن و دەڵێن تۆ هەمان ئەو كەسە نیت، چونكە لە هەندێكیاندا ناوم كازم جەبار ئیبراهیمە و لە هەندێكی دیكەیان بە كازم ساهر ناوم هاتووە و زۆر جار ئەوە ناچاریكردووم مامەڵەكە بگۆڕم”.

بابەتی پەیوەندیدار
زیاتر ببینە

زیانی گەورە بە ئەپڵ دەگەیەنێت.. یەکێتیی ئەوروپا بڕیارێکی گرنگ لەبارەی ئامێرە ئەلیکترۆنییەکانەوە دەردەکات

یەکێتیی ئەوروپا ڕێککەوتنێکی واژووکردووە، کە سەرجەم ئامێرە ئالیکترۆنییکان کەیبڵی شێوەی “USB-C” بەکاربهێنن و ئەمەش زیانێکی گەورە بە کۆمپانیای…
Total
0
Share