دانیێل میدڤیدێڤی ڕووسی لەسەر ئاستی کوڕان و سیرینا ویلیامزی ئەمریکی لەسەر ئاستی کچان، قۆناغی دووەمی پاڵەوانێتی کراوەی ئەمریکا-یان تێپەڕاند.
دانیال میدڤیدێڤ، یەکەمی ڕیزبەندیی یاریزانانی تێنسی سەرزەوی لەسەر ئاستی جیهان، سەرکەوت بۆ قۆناغی سێیەمی پاڵەوانێتی کراوەی ئەمریکا، دوای ئەوەی لە قۆناغی دووەمی پاڵەوانێتییەکەدا بە سێ کۆمەڵەی بێوەڵام لە ئارسەر ڕیندێرنیکی بردەوە، 6 – 2 / 7 – 5 / 6 – 3.
لە ئاستی خانمان، سێرینا ویلیامز کە دوایین پاڵەوانێتی لە ژیانی پیشەگەری خۆیدا ئەنجام دەدات، سەرکەوت بۆ قۆناغی سێیەمی پاڵەوانێتی کراوەی ئەمریکا، دوای ئەوەی لە قۆناغی دووەمدا بە ئەنجامی دوو کۆمەڵە بەرامبەر بە کۆمەڵەیەک لە ئانێت کۆنتاڤیتی بردەوە 7 – 6 ( 7 – 4)/ 2 – 6/ 6 – 2.
