بزوتنەوەی گۆڕان، ئەمڕۆ چوارشەممە پەیامێكی پیرۆزبایی ئاراستەی بافڵ جەلال تاڵەبانی سەرۆکی یەکێتیی نیشتمانیی کوردستان كرد بە بۆنەی ھەڵبژاردنی وەک سەرۆکی یەکێتیی نیشتمانیی کوردستان.
لە پەیامەكەیدا بزوتنەوەی گۆڕان دەڵێت، “بەڕێز: کاک بافڵ جەلال تاڵەبانی، بە بۆنەی ھەڵبژاردنت وەک سەرۆکی یەکێتیی نیشتمانیی کوردستان، پیرۆزباییت لێدەکەین و ئومێدی سەرکەوتنت لە ئەرک و کارە ڕێکخراوەییەکان بۆ دەخوازین”.
بزوتنەوەی گۆڕان، هەڵبژاردنی بافڵ جەلال تاڵەبانی بە سەرۆكی یەكێتیی نیشتمانیی كوردستان بە گۆڕانكاری ناودەبات و ڕایگەیاندووە، “ھیواخوازین ئەم گۆڕانکارییە ھاندەری تەبایی و کاری پێکەوەیی بێت بە ئاراستەی چارەسەرکردنی کێشەکان و ئیدارەدانێکی باشتر کە لە ئاست چاوەڕوانییەکانی ھاوڵاتییان بێت”.
دەقی پەیامەكە:
بەڕێز: کاک بافڵ جەلال تاڵەبانی
بە بۆنەی ھەڵبژاردنت وەک سەرۆکی یەکێتیی نیشتمانیی کوردستان، پیرۆزباییت لێدەکەین و ئومێدی سەرکەوتنت لە ئەرک و کارە ڕێکخراوەییەکان بۆ دەخوازین.
ھیواخوازین، ئەم گۆڕانکارییە ھاندەری تەبایی و کاری پێکەوەیی بێت بە ئاراستەی چارەسەرکردنی کێشەکان و ئیدارەدانێکی باشتر کە لە ئاست چاوەڕوانییەکانی ھاوڵاتییان بێت.
بزوتنەوەی گۆڕان
31ی 8ی 2022
