ڕاگەیاندنەكان بەردەوام سەرنجیان لەسەر داهاتووی ڕۆناڵدۆیە و بەردەوامیش زانیاری نوێ لەسەر بڵاودەكەنەوە.
ئەمڕۆ پێویستە بەیەكجاری كێشەی ڕۆناڵدۆ لەگەڵ مانچستەر یونایتد كۆتایی بێت بەمانەوە یان ڕۆیشتن خۆی یەكلایی بكاتەوە.
هەواڵ و زانیارییەكان لەسەر ڕۆناڵدۆ بەمجۆرەن:
– ڕۆناڵدۆ دەیەوێت لە ئەوروپا بمێنێتەوە
– تەنها یەك گرێبەست لەبەردەم ڕۆناڵدۆیە ئەویش یانەیەكی سعودییە
– كەس نازانێت داهاتووی بە چی دەگات، بەڵام ئاماژەكانی بۆ مانەوەن
– یەكێك لەو یانانەی كە ویستویانە گرێبەستی لەگەڵ ئیمزابكەن ترسیان لەوە هەبووە كە لەسەر كورسی یەدەگ كێشە بۆ ڕاهێنەر دروستبكات بەتایبەت لەڕووی ڕاگەیاندن و فشاردروستكردنەوە
– ناپۆلی نەیتوانی دەستبەرداری ئۆسمین ببێت بۆیە نەیتوانی ڕۆناڵدۆ بكرێت، میلانیش پێیوایە كڕینی ڕۆناڵدۆ لەگەڵ سیاسەتی یانەكەدا ناگونجێت
– مانچستەر یونایتد نایەوێت گرێبەستی ڕۆناڵدۆ هەڵوەشێنێتەوە، تین هاگیش ئامادەیە لە تیپەكەیدا بیهێڵێتەوە بەڵام مەرج نییە وەك یاریزانی سەرەكی هەژماری بكات.
