داوای هەڵگرتنی پارێزبەندی لەسەر پەرلەمانتار عەبولستار مەجید دەکرێت، ئەو پەرلەمانتارە دەڵێت، “نە نوسراوم بەدەست گەیشتووە نە ئاگام لێیەتی”.
سەرۆکایەتیی دادگای تێهەڵچوونەوەی هەولێر بە نووسراوێک داوا لە سەرۆکایەتیی پەرلەمانی کوردستان دەکات پارێزبەندی لەسەر عەبدولستار مەجید هەڵبگرێت و داواکارییەکە لەسەر داوای سەرۆکایەتیی حکومەتی هەرێمی کوردستان بووە.
لە لێدوانێکدا بۆ تۆڕی میدیایی ئێستا عەبدولستار مەجید ئەندامی پەرلەمانی کوردستان لە فراکسیۆنی کۆمەڵی دادگەری ڕایگەیاند، “من ئاگاداری ئەو پرسە نیم هیچ نوسراوێکیشم پێنەگەیشتووە”.
باسی لەوەکرد، ئاگادارنەکراوەتەوە لەوەی داوایەکی وا لە دژی کراوە و نازانێت کێ و لەسەر چ بابەتێک داوای هەڵگرتنی پارێزبەندییان لەسەری کردووە.
