بەرپرسانی كەرتی تەندروستی، چالاكبوونەوەی تای خوێنبەربوون ڕادەگەیەنن و لە دیالە كەسێكی كوشت.
دوای ماوەیەك لە كەمبوونەوەی ژمارەی تووشبووان بە تای خوێنبەربوون لە عێراق، “تا”كە دووبارە چالاكبووە و پیاوێك لە دیالە بەهۆی كاریگەرییەكانی تووشبوونییەوە گیانیلەدەستدا.
عەبدلجەبار عوبەیدی بەڕێوەبەری ناحیەی عزێمە لە دیالە، لەبارەی قوربانییەكەی تای خوێنبەربوونەوە دەڵێت، پیاوێك بووە لە چلەكانی تەمەنیدا و پێش چەند ڕۆژێك دووچاری تای خوێنبەربوون بووبوو.
تا ئێستا نزیكەی 200 كەس لە عێراق تووشی تای خوێنەربوون بوون و 33 كەسیان مردوون. وەزارەتی تەندروستی هۆشداری لەبارەی چالاكبوونی نەخۆشییەكەوە دەدات و دەڵێت، “لە ماوەی دوو مانگی ڕابردوودا ژمارەی تووشبوون بە تای خوێنبەربوون زیادیكردووە”.
