كەمێك لەمەوبەر لە نزیك قەڵای هەولێر كەسێك بە دەستڕێژی گولـلە كوژرا.
پۆلیسی هەولێر لە ڕاگەیەندراوێكدا ئاماژەی بەوەكردووە، “ئەمڕۆ مەفرەزەكانمان ئاگادارکرانەوە لە بوونی ڕووداوێکی کوشتن لە کۆڵانی ئارد فرۆشان، دەستبەجێ هێزەکانمان گەیشتنە شوێنی ڕووداوەكە و دەرکەوت، کەسێكی تەمەن 51 ساڵ، كە پیشەی خاوەن مۆلیدەیە لە گەڕەکی مامۆستایانی نوێ کوژراوە”.
ڕوونیشیكردووەتەوە، بکەری تاوانەکە دوو کەس بوون، هۆکارەکەشی بۆ کێشەیەکی کۆمەڵایەتییەوە بووە و کوژراوەكەش، کوڕی ئامۆزای بکوژە.
لە بەشێكی دیكەی ڕاگەیەندراوەكەدا هاتووە، پەڕاوی لێکۆڵینەوە بۆ ڕووداوەكە کراوەتەوە و پۆلیس سەرقاڵی لێکۆڵینەوەیە بۆ گەیشتن بە هۆکاری ڕاستی ڕووداوەکە.
