حەلبوسی: لە كۆتایی ئەمساڵەوە حكومەت ناتوانێت هیچ پارەیەك خەرجبكات

محەمەد حەلبوسی، سەرۆكی ئەنجومەنی نوێنەرانی عێراق

سەرۆكی ئەنجومەنی نوێنەران جەخت لەسەر پێویستیی گفتوگۆی نیشتمانی دەكاتەوە و دەشڵێت، لە كۆتایی ئەمساڵەوە حكومەت ناتوانێت هیچ بڕە پارەیەك خەرج بكات بەبێ یاسای بودجە.

محەمەد حەلبوسی، سەرۆكی ئەنجومەنی نوێنەرانی عێراق ئەمڕۆ داوای لە هێزە سیاسییەكان كرد لە دەوری مێزی گفتوگۆ كۆببنەوە بۆ چارەسەری قەیرانی سیاسی.

هەروەك پاڵپشتیی خۆی بۆ “دەستپێشخەریی گفتوگۆی نیشتمانی” دووپاتكردەوە.

حەلبوسی لە وتەیەكیدا لەمیانەی كۆنگرەی ئیسلامی بۆ ڕووبەڕووبوونەوەی توندوتیژیی دژی ژنان وتیشی، “بارودۆخی عێراق نابێت بەمجۆرە بەردەوام بێت، ئەوەی ئەمڕۆ پێیگەیشتووین، پاشەكشەیە لەوەی پێشتر تیایدا بووین” ئاماژەی بەوەشكرد، “كۆتایی ئەمساڵ حكومەت ناتوانێت هیچ بڕە پارەیەك خەرجبكات بەبێ یاسای بودجە”.

لە هەمان كۆنگرەدا و لەكاتێكی پێشتردا مستەفا كازمی، سەرۆك وەزیرانی عێراق وتەیەكی پێشكەشكرد و ڕایگەیاند، “هاوڵاتییانمان هەست بە نیگەرانییەکی زۆر دەکەن، ئەوە گونجاو نییە ئەو قەیرانە سیاسیە بەردەوامبێت بەبێ هیچ چارەسەرێکی سیاسی، لەکاتێکدا هەڕەشە لە دەستکەوتە ئەمنییەکان و ئاسایشی وڵات دەکات”.

ئاماژەی بەوەکردووە، “کلیلی گەیشتن بە چارەسەری قەیرانەکان بە دانیشتنی سەرجەم لایەنەکان دەبێت لەسەر مێزی گفتوگۆ”، جەختیکردەوە، عێراق ئێستاش هەلی گەورەی لەبەردەستدایە بۆ گەشەکردنی ئابورییەکەی.

بابەتی پێشتر

کازمی: بە قەیرانێکی سیاسیدا تێدەپەڕین هەڕەشە لە ئاسایشی عێراق دەکات

بابەتی دواتر

بەرشلۆنە مانگی (10)ی ئێسکشکێن چاوەڕێی دەکات

بابەتی پەیوەندیدار
زیاتر ببینە

پارێزگاره‌كانى به‌سره‌ و ئه‌نبار ناچنه‌ په‌رله‌مان و ده‌ستبه‌رداری په‌رله‌مانتاری ده‌بن

هەردوو‌ پارێزگارى ئه‌نبار و به‌سره‌ كه‌ دوو براوه‌ى هه‌ڵبژاردنى پێشوه‌خته‌ى ئه‌نجومه‌نى نوێنه‌ران بوون، بڕیاریاندا نه‌چنه‌ ئه‌نجومه‌نه‌كه‌ و ده‌ستبه‌رداری…
زیاتر ببینە

له‌ژێر فشارى نه‌ته‌وه‌ یه‌كگرتووه‌كاندا عێراق به‌رده‌وامه‌ له‌ هێنانه‌وه‌ى كەسوكاری چه‌كدارانى داعش

تاوه‌كو ئێستا زیاتر له‌ 600 ئه‌ندامى خانه‌واده‌ى چه‌كدارانى داعش گه‌ڕێندراونه‌ته‌وه‌ نه‌ینه‌وا و دوێنێش كاروانێكى دیكه‌ له‌ كه‌مپی هۆله‌وه‌…
Total
0
Share