ئەمڕۆ چوارشەممە، دوو ڕووداوی هاتوچۆ لە سنووری قەزای چەمچەماڵ ڕوویاندا و دوو كەس گیانیان لەدەستدا.
بەپێی ڕاگەیەندراوی بەڕێوەبەرایەتیی هاتوچۆی چەمچەماڵ، بەهۆی ڕووداوێکی هاتوچۆ لە ناحیەی شۆڕش کەسێک گیانیلەدەستداوە. ڕووداوەکە لە جۆری وەرگەڕان بووە و ئۆتومبێلێکی جۆری تۆیۆتا کرۆلا کۆنترۆڵی لەدەستداوە و وەرگەڕاوە، بەو هۆیەوە شۆفێرەکە گیانیلەدەستداوە.
بەڕێوەبەرایەتیی هاتوچۆی چەمچەماڵ دەڵێت، ڕووداوێکی هاتوچۆی دیکە لە ناحیەی شۆڕش ڕوویداوە و ئۆتۆمبێلێک خۆیکێشاوە بە ستوونێکی کارەبادا.
وەك بەڕێوەبەرایەتیی هاتوچۆی چەمچەماڵ ڕایگەیاندووە، دوای ڕووداوەکە شۆفێری ئۆتۆمبێلەكە گەیەندراوەتە نەخۆشخانە، بەڵام بەهۆی سەختیی بریندارییەكەیەوە گیانیلەدەستداوە.
