لە چەمچەماڵ بە درۆن هێرشكرایە سەر ماڵی عەبدوڵڵای كوێخا موبارەك و دوو ئۆتۆمبێلی زیانیان بەركەوتووە و هێزە ئەمنییەكان لێكۆڵینەوەیان لە ڕووداوەكە دەستپێكردووە.
پێی ئەو زانیارییانەی بە تۆڕی میدیایی ئێستا دراون كاتژمێر 9:08 خولەكی ئەمشەو لە قەزای چەمچەماڵ بە درۆن هێرشكراوەتە سەر ماڵی عەبدوڵڵای كوێخا موبارەك و ڕووداوەكە هیچ زیانێكی گیانی نەبووە و تەنها زیانی ماددی هەبووە كە دوو ئۆتۆمبێلی ناوبراو لەنێو ماڵەكەیدا زیانیان بەركەوتووە.
ئاماژە بۆ ئەوەش كراوە، تا ئێستا ئاراستەی درۆنەكە نادیارە و هێزەكانی ئاسایشی ڕۆژئاوای سلێمانی گەیشتوونەتە شوێنی ڕووداوەكە و لێكۆڵینەوەیان دەستیپێكردووە.
