وەزارەتی دەرەوەی ئەمریكا ڕایدەگەیەنێت، لایەنگری هیچ لایەنێك لە عێراق ناكەن و پشتیوانیی حكومەتێك دەكەن كە سەروەریی عێراق بپارێزێت.
وەزارەتی دەرەوەی ئەمریكا ڕاگەیەندراوێكی لەبارەی دۆخی سیاسیی عێراقەوە بڵاوكردەوە و ڕایگەیاند، ئەمریكا لایەنگری هیچ لایەنێك لە عێراق ناكات و تەنها پشتیوانیی لە حكومەتێك دەكات كە سەروەریی خاكی عێراق و گەلەكەی بپارێزێت.
ڕاگەیەندراوەكەی وەزارەتی دەرەوەی ئەمریكا لە كاتێكدایە كە ئەمڕۆ چوارشەممە كۆبوونەوەی لایەنە سیاسییەكانی عێراق بە میوانداریی مستەفا كازمی سەرۆك وەزیرانی عێراق بەڕێوەچوو.
