وەزارەتی خوێندنی باڵا و توێژینەوەی زانستی ڕایگەیاند، پرۆپۆزەڵی کردنەوەی دوو زانکۆی حکومیی دیکەیان پەسەندکردووە و پێشنیازەکە بەرزدەکەنەوە بۆ سەرۆکایەتیی ئەنجومەنی وەزیران.
لە ڕاگەیەندراوێکدا وەزارەتی خوێندنی باڵا و توێژینەوەی زانستی ئاشکرایکرد، کردنەوەی هەردوو زانکۆی “پۆلیتەکنیکی گەرمیان و زانکۆی ئاکرێ بۆ زانستە کردارییەکان” لەلایەن ئەنجومەنی وەزارەتەکەوە پەسەندکراوە.
بەپێی ڕاگەیەندراوەکە، کردنەوەی زانکۆکان بۆ فراوانکردنی خوێندنى تەکنیکى و بوارى زانستە کردارییەکان لەهەرێمى کوردستان.
ئەوەش هاتووە، کە پێشنیازی کردنەوەی ئەو دوو زانکۆیە بەرزدەکرێتەوە بۆ سەرۆکایەتیی ئەنجومەنی وەزیران بەمەبەستی پەسەندکردنی کۆتایی.
