لە كۆبوونەوەی ئەمڕۆی ئەنجومەنی وەزیرانی عێراقدا، وەزیری دارایی دەستلەكاركێشانەوەی خۆی پێشكەشكرد.
میدیای فەرمیی عێراق لە زاری سەرچاوەیەكی ئاگادارەوە بڵاویكردەوە، عەلی عەلاوی وەزیری دارایی عێراق دەستلەكاركێشانەوەی خۆی لە پۆستەكەی لە دانیشتنی ئەمڕۆی ئەنجومەنی وەزیراندا پێشكەشكردووە.
میدیاكە هیچ زانیارییەكی زیاتری لەبارەی هۆكاری پێشكەشكردنی داواكارییەكە و ئەگەری پەسەندكردن یان ڕەتكردنەوەی ئاشكرانەكردووە.
بەڵام بەپێی هەندێك لە میدیا نافەرمییەكان مستەفا كازمی سەرۆك وەزیران داواكارییەكەی پەسەندكردووە و ئیحسان عەبدولجەبار وەزیری نەوتی بۆ ڕاپەڕاندنی كاروبارەكانی وەزارەتەكە ڕاسپاردووە.
ڕۆژانی سێشەممەی هەموو هەفتەیەك ئەنجومەنی وەزیرانی عێراق كۆدەبێتەوە.
