بەهای بیتكۆین بۆ بەرزترین ئاستی دوو مانگی ڕابردووی بەرزبووەوە و گەیشتە 25 هەزار دۆلار، ئەوەش بە ترۆپكی بووژانەوەی بازاڕی دراوی ئەلیكترۆنی لەمساڵدا دادەنرێت.
بۆ ماوەیەكی كەم، بەهای یەك بیتكۆین 25 هەزار دۆلاری تێپەڕاند و دانەیەكی بە 25.031 دۆلار مامەڵەی پێوەدەكرا، دواتر بەهاكەی دابەزی و یەك بیتكۆین بە زیاتر لە 24 هەزار و 750 دۆلار مامەڵەی پێوەدەكرێت.
هاوكاتی بیتكۆین، بەهای دراوی ئەلیكترۆنیی ئیسەریوم بە ڕێژەی 2% بەرزبووەوە و گەیشتە دوو هەزار و 30 دۆلار و 50 سەنت بۆ هەر دانەیەك لەو دراوە.
لە نیوەی یەكەمی ئەمساڵدا، نرخی دراوە ئەلیكترۆنییەكان بۆ ئاستێكی نزم دابەزی و بیتكۆین و ئیسەر و جۆرەكانی تر ڕێژەی 50%ی بەهاكانیان لەدەستدا.
