هەڵمەتی نیشتمانی بۆ ڕواندنی دار و درەخت ڕاگەیەندرا، وەزیری كشتوكاڵی هەرێمیش ڕایگەیاند، 250 بۆ 500 هەزار نەمام دەبەخشنە جوتیاران بۆ پەرژینكردنی زەوییە كشتوكاڵیەكان.
بێگەرد تاڵەبانی، وەزیری كشتوكاڵ و سەرچاوەكانی ئاوی هەرێم ڕایگەیاند، ” لەم ساتەوەختەدا كە ناوچەكەمان ڕووبەڕووی بەبیابانبوون و كەمبوونەوەی باران و وشكەساڵی دەبێتەوە و پێویستییەكی هەنووكەییە لەمكاتەدا هەڵمەتێكی نیشتمانی بۆ سەوزكردن و ڕواندنی نەمام و درەخت ڕابگەیەنين كە نەمام چاندن بكرێتە كەلتوور.
وەزیری كشتوكاڵ باسی لەوەشكرد،” لەكاتێكدا جگەرگۆشەكانمان دەخرێنە خوێندنگە نەمامێك لە گۆڕەپانی خوێندنگەیاندا بچێنن با لە بۆنە كۆمەڵایەتی و نیشتمانییەكاندا نەمام چاندن بكەینە كەلتوور و جوتیارەكانمان لە بری پەرژین بە بلۆك و چیمەنتۆ و كەڵەكە بەرد، بە درەخت پەرژین بكەن”.
