لەکاتێکدا پۆلیسی نەمسا ویستوویەتی ژمارەیەک کۆچبەر کە لەناو بارهەڵگرێکدا بوون دەستگیربکات، تووشی ڕووداوی هاتوچۆ بوون و بەهۆیەوە سێ کۆچبەر گیانیان لەدەستدا و ژمارەیەکیش برینداربوون.
بەپێی ئەو زانیارییانەی پۆلیسی نەمسا بڵاویکردووەتەوە، 20 کەس لەناو بارهەڵگرەکەدا بوون کە ژن و منداڵیشیان تێدابووە.
ئاماژە بەوەشکراوە، کە ژمارەیەک لە قوربانییەکان سورین.
وەزارەتی ناوخۆی نەمسا ئاشکرایکرد، کە لە مانگی ئایاردا تۆڕێکی قاچاخچیان دەستگیرکردووە کە کۆچبەری سوریان بە ڕێگەی نایاسایی گەیاندووەتە ئەو وڵاتە.
