لە سنووری شاری شنۆی ڕۆژهەڵاتی کوردستان سوپای پاسدارانی ئێران تەقەیان لە گروپێکی کۆڵبەران کرد و بەهۆیەوە سێ کۆڵبەر کوژران و برینداربوون.
ماڵپەڕی کۆڵبەر نیوز بڵاویکردەوە، سوپای پاسداران لە سنووری شاری شنۆ تەقەیان لە ژمارەیەک کۆڵبەر کردووە و بەهۆیەوە کۆڵبەرێک گیانیلەدەستداوە و دووانی دیکە برینداربوون.
ئەو کۆڵبەرەی گیانیلەدەستداوە ناوی محەمەد ئەمین ئەحمەدییە و خەڵكی گوندی لاجانی سەر بە پارێزگای ورمێیە، دووانەکەی تر کە برینداربوون یەکێکیان ناوی عەبدوڵا ئەحمەدییە و برای كۆڵبەرە كوژراوەكەیە، كۆڵبەرەكەی تر ناوی عوزەیرە .
