وەزارەتی بەرگریی تورکیا کوژرانی سەربازێکی وڵاتەکەی لە ناو خاکی هەرێمی کوردستان لە چێوەی ئۆپەراسیۆنی کلیل – چنگ ڕاگەیاند، کە پێشتر بریندارببوو.
لە ڕاگەیەندراوێکدا وەزارەتی بەرگریی تورکیا بڵاویکردەوە، سەربازێکیان کە پێشتر بەهۆی تەقینەوەی مینەوە لە هەرێمی کوردستان بریندارببوو گیانیلەدەستدا.
ئاماژە بەوەکراوە ئەو سەربازە ناوی خەلیل قۆج-ە و لە ناوچەکانی ئۆپەراسیۆنی کلیل – چنگ برینداربووە، دواتر گواستراوەتەوە بۆ نەخۆشخانە لە ئەنقەرە بەڵام نەتوانراوە ڕزگاربکرێت.
لە 18ی نیسانی ئەمساڵدا تورکیا ئۆپەراسیۆنێکی بەناوی کلیل – چنگ لە ناوچەکانی ئاڤاشین، زاپ و مەتینا لە هەرێمی کوردستان بەبیانووی بوونی پەکەکە لە ناوچەکە دەستپێکرد.
