ڤایرۆسێكی نوێ سەریهەڵدا، تووشی گیاندار و مرۆڤ دەبێت و لە یەكەمیانەوە بۆ دووەم دەگوازرێتەوە.
سەرەڕای ئەوەی جیهان هێشتا لە ڤایرۆسی كۆرۆنا ڕزگاری نەبووە، كە تەندروستیی وڵاتان و ئابورییەكەیانی تووشی پەككەوتن كردووە، جۆرێكی نوێی نەخۆشی و ڤایرۆس سەریهەڵدا، سەرەڕای گۆڕاوەكانی كۆرۆنا كە تائێستا هۆكاری بڵاوبوونەوەی نەخۆشین.
زانایان لە چین و سەنگافورەوە جۆرێكی نوێی ڤایرۆسی بۆماوەییان ئاشكراكرد كە تووشی مرۆڤ و گیاندارانیش دەبێت.
بەپێی دەروازەی زانیاریی چینی (بینبای) جۆرە نوێیەكەی ناوی (ڤایرۆسی لانی)یە و لە گیاندارە وشكاوەكییەكانەوە بۆ مرۆڤ دەگوازرێتەوە.
لە زاری زانایانی چینەوە تۆماركردنی نزیكەی 35 كەس لە تووشبووانی ڤایرۆسەكە لە هەردوو كەرتی شاندۆنگ و خنان-ی چینی ڕاگەیەنرا.
