پارتی سۆسیال دیموکرات: خۆمان بۆ هەموو ئەگەرێک ئامادە دەكەین

پارتی سۆسیال دیموکرات بانگەوازێك ئاراستەی حزب و لایەنەكان دەكات و دەڵێت، “چەکی مەردایەتی لێبکەین بەلادا و خۆمان بۆ هەموو ئەگەرێک ئامادەبکەین”.

لە پەیامێکدا بۆ یادی 46 ساڵەی دامەزراندنی، پارتی سۆسیال دیموکرات ڕایگەیاند، “لە ئێستادا عێراق و هەرێمی کوردستان بە قۆناغێکی هەستیاردا هەنگاودەنێن، کە خۆی لە کەمیی خزمەتگوزاری و گرفتی دارایی و نەبوونی شەفافیەت لە داهات و گرفتی تەواوی کایە سیاسییەکان لەگەڵ بەغداد و چارەسەرنەکردنیان دەبینێتەوە”.

لە پەیامەكەیدا پارتی سۆسیال دیموکرات دەڵێت، “پێویستە تەواوی هێز و لایەنە سیاسییەکان لە هەرێمی کوردستان هەوڵی یەکخستنی نێوماڵی کوردی بدەن، خۆمان بۆ هەموو ئەگەرێک ئامادەبکەین کە هەر گۆڕانکارییەک ڕووبدات لە بەرژەوەندیی گەلەکەمان بیقۆزینەوە تا بتوانین ژیانێکی باشتر و شایستەتر بۆ سەرجەم چین و توێژەکان مسۆگەربکەین”.

پارتی سۆسیال دیموکرات بانگەوازێكی ئاراستەی لایەنەكان كردووە و لە پەیامەكەیدا ڕایگەیاندووە، “بانگی هەموو تێکۆشەرانی هێز و لایەنە سیاسییەکانی بزوتنەوەی ڕزگاریخوازی گەلی کوردستان دەکەین، چەکی مەردایەتی لێبکەین بەلادا و بەوپەڕی هۆشیارییەوە تێبکۆشین لە پێناو ئامانجە لەمێژینەکانمان و گیانی  فیدایی سەرەتایی شۆڕش زیندووبکەینەوە”.

بابەتی پێشتر

چوار یاریزانی ڕیاڵ مەدرید ژمارەی درێسەکانیان گۆڕیوە

بابەتی دواتر

دابەشكردنی مووچەی پەروەردە دواخرا

بابەتی پەیوەندیدار
Total
0
Share