وەزارەتی تەندروستیی هەرێمی کوردستان، ئەمڕۆ 29ی تشرینی دووەم، ڕایگەیاند کە لە ماوەی شەو ڕۆژی رابردوودا 304 کەس توشی کۆرۆنا بوون و 14 کەسیش گیانیانلەدەستدا.
لە ڕاگەیەنراوێکدا وەزارەتی تەندروستیی هەرێمی کوردستان، ئاماری 24 کاتژمێری ڕابردووی کۆرۆنای بڵاوکردەوە و ڕایگەیاند، ” لە 304 کەس توشی کۆرۆنا بوون و لەو ژمارەیەش 98یان لە هەولێرن و 72 توشبوو لە سلێمانی، 105 لە دهۆک، نۆ لە هەڵەبجە، 18 لەگەرمیان و دوو کەس لە ڕاپەڕین توشی کۆرۆنابوون”.
لە ڕاگەیەنراوەکەدا هاتووە، لەو ماوەیەدا 14 کەس بە کۆرۆنا گیانیانلەدەستداوە گیانلەدەستدان لە هەولێر سێ کەس، لە سلێمانی چوار کەس و لە دهۆکیش پێنج کەس گیانیانلەدەستدا لە گەرمیان و ڕاپەڕین دوو کەس گیانیان لەدەستدا.
بەپێی ئامارە فەرمییەکانی وەزارەتی تەندروستیی هەرێم، تاوەکو ئێستا 96 هەزار و 201 کەس توشی کۆرۆنا بوون، لەو ژمارەیەش 60 هەزار و 165 کەس چاکبوونەتەوە و سێ هەزار و 132 کەسیش گیانیانلەدەستداوە.
