تەلسکۆپی جەیمس وێب، یەکەم وێنەی کۆنترین و دوورترین ئەستێرەی تۆمارکرد، ئەستێرەکە کۆنترین و دوورترینی گەردوون نییە بەڵام تا ئێستا مرۆڤ بەو ئەستێرەیە گەیشتووە وەک دوورترین و کۆنترین.
دوای حەوت مانگ لە ڕەوانەکردنی بۆ بۆشایی ئاسمان، جەیمس وێب وێنەی دوورترین ئەستێرەی گەردوونمان پیشاندەدات، پێشتر ئەستێرەکە لەلایەن تەلسکۆپی هەبڵ-ەوە وێنەی گیراوە، بەڵام وێنەیەکی ئاسایی نەبووە و تیشکەکان تییدا تێکەڵبوون.
ئەو ئەستێرەیەی جەیمس وێب وێنەیی تۆمارکردووە، ناوی “WHL0137-LS”یە و بە ئەستێرەی “ئیریندیڵ” ناسراوە، ئەو ئەستێرەیە خاوەنی “ژمارەی پێوانەییە لە کۆنترین و دوورترین ئەستێرە کە تائێستا مرۆڤ ناسیویەتی”.
هەژماری (Cosmic Spring) لە تویتەر کە تایبەتە بە بڵاوکردنەوەی وێنەکانی جەیمس وێب، لە 2ی ئەم مانگەدا وێنەی ئەستێرەکەی بڵاوکردووەتەوە.
We’re excited to share the first JWST image of Earendel, the most distant star known in our universe, lensed and magnified by a massive galaxy cluster. It was observed Saturday by JWST program 2282. pic.twitter.com/YoZZKRsdzf
— Cosmic Spring JWST (@CosmicSprngJWST) August 2, 2022
پێگەی ساینس ئەلێرت ئاماژە بۆ ئەوەدەکات کە زانایانی تایبەتمەند کاتێکی زۆریان دەوێت تاوەکو بتوانن زانیارییەکان سەبارەت بە ئەستێرەی ئیریندیڵ کۆبکەنەوە ئەویش بە یارمەتیی ئەو زانیاریانەی جەیمس وێب تۆماریدەکات کە توانای زۆر لە هەبڵ زیاترە.
تەلسکۆپی جەیمس وێب کە نوێترین و پێشکەوتووترین بیرۆکەی دەستی مرۆڤە تا ئێستا بۆ دۆزینەوەکانی گەردوون دروستکرابێت، تێچووەکەی 10 ملیار دۆلارە، لە دووری 1.5 ملیۆن کیلۆمەتر لە زەوییەوە جێگیرکراوە.
وێب بەشە وزەی پێویستی بۆ ماوەی بیست ساڵ هەڵگرتووە، زانایان چاوەڕێدەکەن زانیاریی زۆر ورد و نوێیان بەهۆی تەلسکۆپەکەوە دەستبکەوێت.
