شڤان سەعید یەكێك لە زیندانیكراوانی بادینان، بەهۆی تێكچوونی باری تەندروستییەوە گواستراوەتەوە بۆ نەخۆشخانە.
ماوەیەكە ڕۆژنامەنووس و چالاكوانە زیندانیكراوەكانی بادینان مانگرتنیان لە خواردن ڕاگەیاندووە، بەو هۆیەوە تەندروستیی شڤان سەعید كە بە “مەلا شڤان” ناسراوە و یەكێكە لە زیندانیكراوان تێكچووە و بەپێی زانیارییەكانی تۆڕی میدیایی ئێستا، ناوبراو گواستراوەتەوە بۆ نەخۆشخانەی فریاكەوتنی هەولێر.
پێشتر ئەیھان سەعید، چاودێری مافی مرۆڤ و نوێنەری زیندانییانی بادینان لە ڕاگەیەندراوێكدا وتبووی، “زیندانیكراوانی بادینان بە توندی ئەشکەنجەدراون و دۆخی دەروونییان خراپە”.
