باندێک دەستگیرکران گونی مرۆڤیان بە نرخێكی بەرز فرۆشتووە

باندێکی عێراقی دەستگیرکران چەندین جار گونی مرۆڤیان بە ئۆكرانیا فرۆشتووە و نرخەكان گەیشتوون بە 80 هەزار دۆلار.

وەزارەتی ناوخۆی عێراق هەواڵەكەی ڕاگەیاند و دەڵێت، دەستبەسەر چەندین كردەی بازرگانیكردن بە گون و گورچیلەی مرۆڤدا گیراوە و بازرگانیكردنەكان لەگەڵ ئۆکرانیادا بوون.

عەمید ویسام نەسیف زوبەیدی، بەڕێوەبەری لێكۆڵینەوەكانی بەرەنگاربوونەوەی بازرگانیكردن بە مرۆڤ لە ناوچەی كەرخی بەغداد ئاشكرایكرد، “نرخی گون لە دەرەوەی عێراق دەگاتە 80 هەزار دۆلار و نرخی گورچیلەیەك 33 هەزار دۆلارە”.

زوبەیدی لە دیدارێكیدا لەگەڵ میدیای فەرمیی عێراقدا وتی، “دەستگیراوە بەسەر چەندین كردەی بازرگانیكردن بە گون و گورچیلەی مرۆڤدا لەگەڵ ئۆکرانیا” و جەختیكردەوە كە مەفرەزەكانی بەرەنگاربوونەوەی بازرگانیكردن بە مرۆڤەوە لە هەموو ئەو نەخۆشخانانەی چاندنی ئەندامانی جەستە دەكەن جێگیركراون.

بەڕێوەبەری لێكۆڵینەوەكانی بەرەنگاربوونەوەی بازرگانیكردن بە مرۆڤ ڕایگەیاند، “هەموو ئەو پەڕانەی لە تۆڕە كۆمەڵایەتییەكاندا بازرگانییان بە مرۆڤەوە دەكرد لەكارخراون و چەندین باند دەستگیركراون”.

بابەتی پێشتر

چێڵسی دەیەوێت ئۆبامیانگ بكڕێت

بابەتی دواتر

تایوان: چین لە مانۆرەکەیدا مووشەکی بالیستیی تەقاندووە

بابەتی پەیوەندیدار
زیاتر ببینە

عێراق پشتگیریی زیاتری جوتیاران دەكات

وتەبێژی سەرۆك وەزیرانی عێراق ڕایدەگەیەنێت، ئەنجومەنی وەزیران لیژنەیەكی تایبەتی پێكهێناوە بۆ لێكۆڵینەوە لە پێشنیارەكان بۆ پشتگیریكردنی جوتیاران كە…
Total
0
Share