كۆبوونەوەی لایەنەكان و نێردەی نەتەوە یەكگرتووەكان لە سەرۆكایەتیی هەرێم دەستیپێكرد

کۆبوونەوەی لایەنە سیاسییەکان و نێردەی تایبەتی ‏سکرتێری گشتیی نەتەوە یەکگرتووەکان لە عێراق بەبەشداریی سەرۆک بافڵ جەلال تاڵەبانی دەستیپێكرد.

كەمێك لەمەوبەر، لە سەرۆکایەتیی هەرێمی کوردستان، بە ئامادەبوونی سەرۆكی هەرێم و جێنین ‏پلاسخارت، نێردەی تایبەتی سکرتێری گشتیی نەتەوە یەکگرتووەکان لە عێراق و بافڵ جەلال تاڵەبانی سەرۆكی یەكێتی و سەرۆك و سەركردەی لایەنەکانی ‏هەرێمی کوردستان لەبارەی ئەنجامدانی هەڵبژاردن لە سەرۆكایەتیی هەرێم کۆبوونەوەکە دەستیپێكرد. ‏

پێشتریش چەند جارێك لایەنە سیاسییەكانی هەرێمی كوردستان لەبارەی پرسی هەڵبژاردن ‏و پێشهات و پرسەكانی دیكەوە لە سەرۆكایەتیی هەرێمی كوردستان كۆبوونەتەوە، ئەمە ‏جگە لەوەی نێردەكەی نەتەوە یەكگرتووەكانیش لەگەڵ لایەنە سیاسییەكان كۆبووەتەوە. ‏

بڕیاربوو مانگی 10ی ئەمساڵ هەڵبژاردنی پەرلەمانی كوردستان بەرێوەبچێت، بەڵام ‏بەهۆی ناكۆكی لەبارەی یاسای هەڵبژاردن و پرسی كاراكردنەوەی كۆمسیۆنەوە تا ئێستا ‏لایەنەكان لەسەر كاتێكی دیكە بۆ ئەنجامدانی هەڵبژاردنەكە ڕێكنەكەوتوون.‏

بابەتی پێشتر

بەلەمێکی کۆچبەران لە ئیجە نوقم بوو و 51 کۆچبەر بێسەروشوێنن

بابەتی دواتر

زانکۆی سەڵاحەدین لەبارەی یەکپۆشییەوە بڕیاریدا

بابەتی پەیوەندیدار
Total
0
Share