یەکەم کەشتیی دانەوێڵەی ئۆکرانی لە بەندەرەکانی ئۆدیساوە گەیشتە بەندەرەکانی ئیستانبوڵ لە تورکیا.
میدیای فەرمی توركیا بڵاویكردەوە، ئەمڕۆ یەکەم کەشتیی دانەوێڵەی ئۆکرانی کە گەنمەشامی تێدایە لە بەندەرەکانی ئۆدیساوە گەیشتە بەندەرەکانی ئیستانبوڵ و بڕیارە بەرەو بەندەرەکانی لوبنان بەڕێبکەوێت.
ئەوەش دوای ئەوەدێت، پێشتر ئۆكرانیا و ڕوسیا ڕێككەوتنیان لەبارەی كردنەوەی ڕێڕەوێك كردبوو بۆ هەناردەكردنی گەنم و دانەوێڵە .
