یانەی چێڵسی ئینگلیزی لە یەک کاتدا هەوڵەکانی بە ئاراستەی فرینکی دی یۆنگ و مارک کۆکۆرێلا دەستپێکردووە.
بەپێی زانیارییەکانی “دەیلی مەیڵ”، لە یەک کاتدا بەڕێوەبەرانی چێڵسی دەرگای گفتوگۆکردنیان بە ڕووی یانەکانی بەرشلۆنە و برایتۆن ئالبیۆن-دا کردووەتەوە، بە نیازن گرێبەستی گەورە پێشکەشی فرینکی دی یۆنگ و مارک کوکورێلا بکەن.
جموجۆڵی چێڵسی هاوکاتە لەگەڵ هەوڵی یانەکانی مانچستەر یونایتد و مانچستەر سیتی بۆ واژۆکردنی گرێبەستی دوو یاریزانی ناوبراو، بەو هۆیەشەوە برایتۆن نرخی کۆکۆرێلای بۆ 50 ملیۆن پاوەند بەرز کردووەتەوە، هەروەها نرخی دی یۆنگ-یش گەیشتووەتە 71 ملیۆن.
دەیلی مەیڵ نووسیویەتی، توڕەیی توخێل بەهۆی لەدەستدانی چەندین یاریزانەوە، ئیدارەی بلوزی لەندەنی ناچارکردووە ململانێی یانەکانی شاری مانچستەر بکەن لەپێناو گەڕاندنەوەی هاوسەنگی بۆ پێکهاتەکەیان.
