وەزارەتی كشتوكاڵ و سەرچاوەكانی ئاوی هەرێم ڕایدەگەیەنێت، بڕیارماندا بەڕێگەپێدانی كۆمپانیا كشتوكاڵیيەكان، بۆ هاوردەكردنی گەنمی بنەتۆ بۆ هەرێمی كوردستان.
بێگەر تاڵەبانی وەزیری كشتوكاڵ و سەرچاوەكانی ئاوی هەرێم ڕایگەیاند، “لەپێناو بەرژەوەندیی گشتیی جوتیاران و خاوەن پڕۆژەكان بە مەبەستی دەستكەوتنی بنەتۆی بەبڕشت و بەرهەمداری دانەوێڵەی گەنم لە سەرچاوەی باوەرپێكراوەوە، بڕیارماندا بە ڕێگاپێدان بە ھاوردەكردنی بڕی 80 هەزار تۆن بنەتۆی گەنمی ڕێگاپێدراو لە ھەرێمی كوردستان و عێراق بۆ وەرزی چاندنی 2022-2023 لەلایەن هەموو كۆمپانیایەكی تایبەتمەندی كشتوكاڵی، بەپێی ڕێنماییەكانی وەزارەت.
ڕاشیگەیاند، ڕێنماییەكان لە ڕێگای بەڕێوەبەرایەتیی گشتیی كشتوكاڵی پارێزگاكان و ئیدارە سەربەخۆكانەوە بۆ بەرێوەبەرایەتیی گشتیی توێژینەوە و ڕێنمایی كشتوكاڵی دەنێردرێت.
