ئەنجومەنی نوێنەرانی عێراق پڕۆژەبڕیارێكی پێشكەشی دەستەی سەرۆكایەتیی پەرلەمان كرد بە پێی پڕۆژەبڕیارەكە دەبێت بنكە سەربازییەكانی توركیا لە خاكی هەرێمی كوردستان دەربكرێن.
موسەننا ئەمین ئەندامی لیژنەی پەیوەندییەكانی دەرەوە لە ئەنجومەی نوێنەرانی عێراق لە لێدوانێكدا بە تۆڕی میدیایی ئێستای ڕایگەیاند، ڕۆژی شەممەی ڕابردوو كۆبوونەوەی ئەنجومەنی نوێنەران بەرێوەچوو لە كۆبوونەوەكەدا داواكرا پڕۆژەبڕیارێك ئامادەبكرێت تایبەت بە یەكلاكردنەوەی بنكە سەربازییەكانی سوپای توركیا لە خاكی هەرێمی كوردستان و لیژنەی ئاسایش و بەرگری و پەیوەندییەكانی دەرەوە ڕاسپێردران پڕۆژەبڕیارەكە ئامادەبكەن.
ئاشكرایكرد، لیژنەكانی پەیوەندییەكانی دەرەوە و ئاسایش و بەرگریی دوو كۆبوونەوەی ئەنجامدا و بڕیاری پێكهێنانی لیژنەیەكی شەش كەسی درا و پڕۆژە بڕیارەكەمان ئامادەكرد و ئاراستەی دەستەی سەرۆكایەتیی پەرلەمانمان كرد تاوەكو لە زووترینكاتدا دەنگی لەسەر بدرێت.
ئەندامەكەی لیژنەی پەیوەندییەكانی دەرەوە پێیوایە، پڕۆژە بڕیارەكە پەسەندبكرێت هەرێمی كوردستان دەبێت پابەندی بێت و جێبەجێبكرێت و توركیا سەرجەم بنكە سەربازییەكانی كە 90%ی بنكە سەربازییەكانی توركیا لەعێراقدا لە خاكی هەرێمی كوردستاندان دەربكرێن و ئەگەر پابەندی نەبێت دووچاری گرفتی دیكە دەبێـتەوە.
